Хоҷа Муҳаммади Афзалӣ
(Тағйири масир аз Афзалӣ)
| Хоҷа Муҳаммад | |||||
| Таърихи таваллуд: | асри XVI | ||||
| Зодгоҳ: | Бухоро | ||||
| Навъи фаъолият: |
шоир,
|
||||
Хоҷа Муҳаммади Афзалӣ (форсӣ: أفضلی; қарни XVI) — шоир, ахтаршинос ва донишманди форс-тоҷик.
Зиндагинома[вироиш | вироиши манбаъ]
Зодгоҳаш Бухоро. Тазкиранигор Хоҷа Ҳасани Нисорӣ дар «Музаккиру-л-аҳбоб» Афзалиро чун шоир ва донишманди машҳури давр тавсиф кардааст. Ҳукмрони замон Убайдуллоҳхони Шайбонӣ (ҳукмронӣ 1533-39) ӯро ба мансаби садр таъйин карда буд. Афзалӣ аз илми ҳайат огоҳӣ дошта, дар ин ҷода пайрави Алии Қушчӣ ва Муҳаммад Мазид будааст. Дар охири умр барои саркашию густохӣ аз мансаб ронда шуд ва гӯшанишиниро ихтиёр намуд. Аз эҷодиёташ намунаҳо ба тавассути тазкираҳо расидаанд:
Аз эҷодиёт[вироиш | вироиши манбаъ]
Манеҳ по мансаберо дар миёна,
Ки тири азлро гардӣ нишона.
***
Зи мансаб рӯй дар бемансабӣ неҳ,
Зи ҳар мансаб туро бемансабӣ беҳ.
Эзоҳ[вироиш | вироиши манбаъ]
Адабиёт[вироиш | вироиши манбаъ]
- Афзалӣ / У. Назиров // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.
- Нисорий Ҳасанхожа. Музаккири аҳбоб. Тошканд, 1993.